Ke humbur autobusin, ke harruar ku i ke lënë çelësat, telefoni me 3% bateri, dhe shefi pret që të buzëqeshësh? Jepi vetes një ngushëllim të vogël: të paktën ke parfumin perfekt!

Sepse kur dita s’po të ecën si duhet, një parfum i mirë mund të bëjë më shumë sesa mendon. Për ata që duan një aromë që ua rregullon ditën dhe ndihet nga kilometra larg – përgjigjja është e thjeshtë: ERD Parfumes.

Kur Asgjë S’po Shkon Si Duhet, Të Paktën Parfumi Mban Erë Të Mirë

Nëse asgjë tjetër nuk është nën kontrollin tënd, të paktën le të jetë parfumi! 

Mund të mos kesh energji, por e rëndësishme është që të mbashë erë si vanilje e ëmbël dhe elegante. Mund të jesh zgjuar vonë, flokët mos të binden, por të paktën lë pas një aromë që i çmend të gjithë. Dhe ndonjëherë, vetëm kjo mjafton që dita të mos duket aq stresuese sa është në të vërtetë.

E vërteta është kjo: jo çdo parfum bën për ty. Disa duken të fortë në fillim, por zhduken më shpejt se crush-et e verës. 

Ti s’ke nevojë për një aromë që flet shumë dhe zgjat pak. Ke nevojë për diçka që qëndron gjatë, që të përfaqëson dhe s’të tradhton që pas orës së parë. 

Një parfum i mirë nuk është luks, është nevojë. Kur gjen atë që të rri bukur në lëkurë dhe shkon me stilin tënd, nuk ke bërë thjesht një blerje – ke bërë një zgjedhje që tregon shumë për ty.

Sekreti I Një Parfumi Që Të Rregullon Ditën

Nuk është vetëm aroma – është ndjesia që të jep. Një parfum i mirë s’të ndryshon jetën, por të ndryshon mënyrën si e përballon atë. Të jep atë “boost”-in e vogël kur je pa humor, të jep vetëbesim kur s’je gati, dhe të jep ndjesinë se po je mirë– edhe kur nuk je.

Sekreti shpesh fshihet te notat. Ato të sipërmet, si bergamoti apo mandarina, të japin një ndjesi të menjëhershme freskie dhe energjie – sikur po nis një ditë të re nga e para. 

Zemra e parfumit, me lule si jasemini apo trëndafili, të jep butësi dhe një ndjesi të ngrohtë, që të shoqëron të gjithë ditën. 

Dhe bazat, si vanilja, myshku apo amberi, janë ato që të mbajnë gjatë gjithë ditës – të forta, të qëndrueshme, që nuk zhduken, por rqëndrojnë gjatë në lëkurën tënde. 

Top Aromat Që Nuk Dalin Nga Moda – Dhe As Nga Memoria 

Ka parfume që i përdor një herë dhe harrohen po aq shpejt sa një bisedë në ëhatsApp pa përgjigje. Por pastaj janë ato që mbesin – në kujtesë, në rroba, në lëkurë, në mendjen e dikujt. Janë aromat që nuk dalin nga moda sepse nuk janë bërë për trend, por për të lënë gjurmë.

Amor Amor – Cacharel

Amor Amor – Cacharel është një aromë si një film adoleshent që e sheh për të disatën herë dhe sërish të bën të ndihesh mirë. Është e ëmbël, e gjallë, me nota frutash të kuqe dhe një zemër romantike me jasemin. 

Ka diçka të pastër, të pafajshme dhe në të njëjtën kohë flirtuese. Është për ditët kur s’ke asgjë nën kontroll, por dëshiron të ndihesh si versioni më i mirë i vetes.

Apogée – Louis Vuitton

Delikate, e pastër dhe tepër elegante. Apogée është një aromë që nuk bie në sy, por që mbetet në mendjen e të gjithëve.

E butë si petalet e luleve që përmban, por me një thellësi që të kujton qetësinë pas një dite të gjatë. Është për ato momente kur do të ndihesh e rregullt, pa pasur nevojë të përpiqesh. Për gratë që flasin pak, por kur flasin…

Black Orchid – Tom Ford

Black Orchid – Tom Ford nuk është për të gjithë – dhe kjo është pikërisht arsyeja pse është kaq parfum ikonik. E errët, misterioze, intensive. Me nota të zeza trufe, orkide dhe patchouli, kjo aromë të pushton. 

Është ai parfum që zgjedh kur do t’i tregosh botës që ti kontrollon çdo hap që bën. 

Donna Born In Roma Yellow Dream – Valentino

E verdhë si rrezet e diellit në mëngjes – Donna Born In Roma Yellow Dream – Valentino. Është një aromë e ëmbël, por jo e lehtë për t’u lexuar. Ka limon, myshk, trëndafil… dhe një ndjesi të freskët, por të rafinuar. Për vajzat që janë ëndërrimtare me këmbë në tokë, dhe që e dinë që jeta s’është gjithmonë rozë – por mund të ketë pak ngjyrë limoni.

Not A Perfume – Juliette Has A Gun

Ironike në emër dhe e veçantë në çdo detaj. Not A Perfume – Juliette Has A Gun ka vetëm një përbërës – Cetalox – por ndihet ndryshe në çdo lëkurë. Nuk është parfum si të tjerët, por është pikërisht kjo që e bën të veçantë. Është për ata që s’kanë nevojë të bien në sy, por gjithsesi nuk kalojnë pa u vënë re.

Ombre Nomade – Louis Vuitton

Ombre Nomade – Louis Vuitton ka një aromë të fortë që bie në sy sapo e nuhat dhe zgjat shumë. Ka oud të theksuar dhe nota që të kujtojnë ngrohtësinë e diellit – një kombinim që të jep ndjesinë e një memorie të thellë dhe të veçantë. 

Nuk është një parfum për përditshmëri, por për ato momente kur do të dallohesh dhe të ndihesh më i sigurt me veten. Është aromë me peshë, që mbetet thellë në kujtesë.

Ku I Gjen Të Gjitha Këto Parfume? Erd Parfumes, Ku Tjetër?

Kur jetën s’e ke në rregull, të paktën të kesh parfumin perfekt – sepse ndonjëherë, një aromë e mirë është e vetmja gjë që të bën të ndihesh pak më mirë me veten. 

Nuk të zgjidh problemet e ditës, por të jep një ndjesi të vogël kontrolli, një shtysë vetëbesimi dhe një qetësi të brendshme. Dhe kur ajo aromë vjen nga ERD Parfumes, të paktën e di që ke bërë një zgjedhje të saktë… edhe nëse pjesa tjetër e ditës është rrëmujë totale.