Dior Sauvage është një parfum i fuqishëm, magnetik dhe jashtëzakonisht i njohur. Aq i njohur, saqë… ndoshta e ke ndjerë më shumë se një herë, në më shumë se një person! Ky është parfumi i preferuar i burrave që duan të duken misteriozë, por që shpesh fshihen pas të njëjtës aromë. Nëse i dashuri yt përdor Dior Sauvage, ndoshta nuk është vetëm ai që ka zgjedhur këtë parfum… dhe ndoshta nuk je vetëm ti që e ke ndjerë mbi të! 

A është kjo aroma universale e “djemve problematikë” apo thjesht një zgjedhje klasike që i bën të gjithë të duken tërheqës? Hajde ta zbulojmë!

Pse Çdo Mashkull Përdor Dior Sauvage?

Nuk ka rëndësi ku je—në një kafene, në një takim, në palestër apo edhe në supermarket—dikush afër teje me siguri mban erë Dior Sauvage! Por pse çdo mashkull duket sikur e ka bërë këtë parfum pjesë të ADN-së së tij?

Sepse është një aromë që nuk kalon pa u vënë re—e freskët, e fuqishme dhe plot energji që të kthen kokën çdo herë që e ndjen. Ka atë efekt magjik që ju bën të ndiheni si protagonist në çdo situatë.

Sepse është parfumi që femrat nuk mund t’i rezistojnë! Dhe për ata meshkuj që nuk duan të flasin shumë, Dior Sauvage flet vetë—pa shumë fjalë, vetëm me erën e tij.

Sepse është parfumi i djemve “toksik” – Nëse ai të ka thënë ndonjëherë “nuk jam si të tjerët”, ka 80% mundësi të përdor Dior Sauvage. Dhe në 100% të rasteve… është fiks si të tjerët! 

Notat E Dior Sauvage – Aroma Që Të Bën Të Kthesh Kokën

Ka parfume që pëlqehen, ka dhe parfume që lënë gjurmë. Dior Sauvage është nga ato të dytat—një aromë që s’e ndjen vetëm me hundë, por edhe me kujtime. Është freskët, por me karakter; i fuqishëm, por jo i rëndë. Është ajo aroma që të bën të kthesh kokën, dhe… ndoshta të mendosh për dikë që nuk duhet! 

Notat e sipërme – Përshtypja e parë që nuk harrohet!

Hapet me një shpërthim të freskët dhe energjik të bergamotit italian, i cili i jep parfumit një ndjesi të pastër dhe të fuqishme. Pastaj vjen piperi i zi, ai detaji i vogël që i shton pak “egërsi” dhe e bën aromën të fortë, si një shikim që nuk e injoron dot.

Notat e mesme – Kur aroma fillon të tregojë karakterin e saj!

Ndërsa parfumit i jepet kohë të zhvillohet, shfaqen nuancat e piperit Sichuan dhe piperit rozë, të cilat i japin një ndjesi pikante dhe intriguese. Livanda dhe geraniumi balancojnë fuqinë e erëzave me një prekje të pastër dhe pak aromatike, duke krijuar një ndjesi të rafinuar, por ende mashkullore. Vetiveri dhe patchouli i shtojnë thellësi dhe një ndjesi misterioze, duke i dhënë aromës një efekt tërheqës që nuk mund të shmanget.

Notat bazë – Ajo që mbetet kur ai largohet!

Kur aroma arrin fundin e saj, druri i kedrit del në pah, duke i dhënë parfumit një ndjesi të ngrohtë dhe të sofistikuar. Labdanumi shton një prekje të butë dhe pak misterioze, ndërsa ambroxani është ai elementi magjik që e bën këtë pafrum të zgjasë me orë të tëra. Është ajo aroma që të mbetet në mendje… edhe kur ai s’është më aty.

Parfumi i Meshkujve “Toksik”

Nëse Dior Sauvage do të kishte zë, do të thoshte: “S’jam si të tjerët”, por si ka mundësi që e përdorin të gjithë?! Ky parfum është zgjedhja nr.1 e meshkujve që të thonë “më mungon” në mes të natës dhe zhduken në mëngjes. I freskët, i fortë dhe me aromë që zgjat më shumë se premtimet e tij!

Më pas, sa herë e ndjeni këtë aromë në ajër, mendoni: “Mos është ai?”… por jo, është dikush tjetër. Sepse Dior Sauvage është bërë si një uniformë e padukshme për meshkujt toksik dhe ata që “nuk kërkojnë asgjë serioze”.

Nëse ka një parfum që i jep dikujt vetëbesim të tepruar, është ky! Një aromë që e bën të mendojë se mund të dalë nga situatat më të sikletshme me një buzëqeshje dhe një justifikim të dobët. Dior Sauvage nuk është thjesht një parfum—është aromë flirtesh të paqarta, mesazhesh të hapura dhe të fshira, dhe një erë që të mbet në mendje, edhe kur ai zhduket!

ERD Parfumes: Ne e kemi aromën perfekte “toksike” për ju!

Dior Sauvage është shumë më tepër se një parfum për meshkuj—është simbol i stilit, misterit dhe vetëbesimit që tërheq vëmendjen e të gjithëve veçanërisht femrave. Me aromën e tij të fuqishme dhe intriguese, ai nuk është thjesht një parfum—është një ndjesi që lë përshtypje të paharrueshme dhe flet vetë, pa pasur nevojë për fjalë. 

Edhe pse është i përdorur gjerësisht, Dior Sauvage nuk humbet asnjëherë fuqinë e tij për të tërhequr vëmendjen. Është një parfum që të bën të ndihesh i veçantë dhe lë një përshtypje të fortë, pa e tepruar. 

Nëse doni të eksploroni më shumë aroma si Dior Sauvage, ERD Parfumes është vendi perfekt për ju. Aty mund të gjeni edhe parfume vajore të tjera që do t’ju bëjnë të ndiheni unik… pa pasur nevojë të njiheni si “toksik”!